Huawei konfirmon pjesëmarrjen në Mobile World Congress (MWC) që do të zhvillohet gjatë muajit shkurt. Kompania pritet të prezantojë gjatë konferencës inovacionet dhe teknologjitë e fjalës së fundit.
MWC është një nga eventet më të mëdha në industrinë e telefonisë. Ai është i organizuar nga GSMA dhe zhvillohet në qytetin e Barcelonës në Spanjë. Këtë vit, kjo konferencë madhore pritet të fillojë më 28 shkurt dhe të përfundojë më 3 mars. Në website-n zyrtar të Huawei gjendet një faqje e dedikuar për MWC 2022, në të cilën do të zhvillohet konferenca Day0 në 27 shkurt.
Në këtë konferencë, gjiganti botëror i telekomunikacionit pritet të prezantojë inovacionet dhe teknologjitë e saj më të reja. Në edicionin e vitit 2019, Huawei prezantoi “Huawei Mate X”, ndërkohë që para një viti u prezantua dhe “Huawei Mate X2”. A është ky momenti i duhur për t’u njohur me “Huawei Mate X3”? Geek Room shpreson se po!
Të gjithë personat e interesuar mund të klikojnë këtu dhe të regjistrohen për të marrrë më tepër informacione rreth Huawei MWC 2022. Kompania tregoi se ekonomia globale po rekuperohet dhe dixhitalizimi i industrisë po luan rolin e tij në zhvillimin ekonomik. Huawei po fokusohet gjithashtu në një zhvillim miqësor me mjedisin, duke treguar se energjia e rinovueshme dhe emetimi i pakët i dioksidit të karbonit është qendra e vizionit të shoqërise njrëzore.
Sipas një parashikimi nga Huawei Institute of Strategic Research, energjia e rinovueshme do të përbëjë 50% të energjisë që përdoret në të gjithë botën. Prandaj, kompania po punon më tepër në këtë drejtim.
Huawei do të zhvillojë një sistem energjie të pastër (dielli dhe era), i cili do të fokusohet në gjenerimin dhe ruajtjen e elektricitetit. Kompania do të integrojë gjenerimin e energjisë elektrike, ruajtjen e saj dhe rrjetin e shpërndarjes me burime të ndryshme plotësuese për të transformuar energjinë alternative në një burim kryesor energjie, që do të shpërndahet përmes një rrjeti.
Gjithashtu, Huawei do të vijë me disa zgjidhje për problemet kryesore që hasen në mjetet elektrike të transportit si karikimi i ngadaltë dhe shqetësimi mbi autonominë e makinës, përmes teknologjive që do të ofrojnë një eksperiencë superiore, si shtimi e pikave të ndërrimit të baterive (një proces që zgjat vetëm pak minuta).
Për shkak të eksperiencës së tyre 30-vjeçare në fushën e teknologjisë, Geek Room mezi pret të njihet nga afër me produktet më të avancuara teknologjike që do të ndihmojnë në arritjen e një neutraliteti të emetimit të karbonit.
Huawei do të bashkëpunojë me operatorë dhe partnerë globalë për të krijuar një infrastrukturë ICT inteligjente, minimaliste dhe miqësore me mjedisin. Përdorimi i këtyre teknologjive do të sjellë zgjidhje novatore për të bërë jetën, biznesin dhe shoqërinë më të shëndetshme dhe më të inteligjente.
Këto janë disa detaje mbi teknologjitë e reja që pritet të prezantohen nga Huawei, një kompani e cila do të jetë në fokusin e Geek Room përgjatë vizitës tonë në MWC 2022. Për më tepër informacion ju ftojmë të na ndiqni në rrjetet tona sociale përgjatë ditëve në vijim.
