HP Spectre x360 përdor AI për t’ju bërë të dukeni joshës në video-telefonata

Linja Spectre nga HP është një nga linjat më të bukura të laptopëve që ju mund të bleni ditët e sotme. Dhe pajisja e re Spectre x360 vazhdon në të njejtin drejtim, por vjen me disa përmrësime shumë të mira për të gjithë personat që punojnë nga shtëpia.

Spectrex360 është një laptop me ekran 16 inç touchscreen i cili dëshiron që t’ju bëjë të dukeni të bukur. Përmes kameras inteligjente 5MP dhe programit HP GlamCam laptopi do të “zbukurojë lëkurën, dhëmbët dhe sytë tuaj” gjatë video-telefonatave.

GlamCam përfshin gjithashtu dhe shërbimin Auto Frame, e cila do t’ju fokusojë ndërkohë që ju jeni në lëvizje dhe Lighting Correction, e cila do të rregullojë feed-in tuaj për të mbajtur ndriçimin konstant kur ju lëvizni nga një ambient i mbyllur në një ambient të hapur.

Laptopi mund të bllokohet automatikisht kur kamera shikon se ju largoheni nga tavolina, dhe mund të rihapet kur ju ktheheni. Për sa i përket specifikave të tjera, HP Spectre x360 vjen me një proçesor të gjeneratës së 11 Intel Core i7, kartë grafike Nvidia GeForce RTX 3050 dhe ofron suport për WiFi 6E dhe Bluetooth 5.2.

Ai do të vijë në ngjyrat “nocturne blue” ose “nightfall black” me një çmim prej $1639.