Dje gjatë IFA 2022 Honor prezantoi strategjinë e re Dual Flagship, që ka si qëllim lançimin e smartphone-ve të palosshëm në të gjithë botën. Dhe meqë kompania po mbështet ndërlidhjen në të ardhmen, ka prezantuar MagicOS 7.0 që do të ndërlidhë smartphone-t, PC dhe pajisjet IoT.
Si fillim do të tregojmë lançimet më të reja në tregun evropian: tashme Honor 70 është i pranishëm në disa tregje evropiane me një çmim që niss nga €550. Pajisja vjen me Snapdragon 778+ 5G, bateri 4800mAh, 3 kamera të pasme kryesore (54MP), ultrawide (50MP) dhe një sensor depth 2MP, kamera selfie 32MP dhe ekran 6.67” OLED. Një tjetër produkt që do të lançohet në tregje të përzgjedhura në Evropë do të jetë Honor Pad 8, me një çmim që nis nga €330.
Kompania ka vendosur të rifreskojë dhe laptopin 14” të fuqizuar nga Intel, Honor MagicBook 14, me proçesor Intel Core i5-12500h që mund të konfigurohet me Nvidia GeForce RTX 2050 GPU. Ky do të jetë laptopi i parë Honor që do të vijë me OS turbo, duke përmirësuar efiçiencën e energjisë deri në 17 orë me një karikim të vetëm. Versioni bazë do të kushtojë €1,099.
Honor prezantoi gjithashtu dhe Spatial Audio, një teknologji të zhvilluar për AR dhe VR që përdor sensorë për të regjistruar lëvizjet e kokës.
Pjesë e strategjisë Dual Flagship do të jetë pajisja e parë e palosshme nga Honor, Magic V, për të cilin nuk ka ende një çmim zyrtar apo një dat lançimi. Në rolin e All-round Flagship do të gjendet seria Magic4 dhe pasardhësit e saj.
Për produktet më të reja nga IFA 2022, na ndiq këto ditë në Instagram pasi Geek Room dhe Neptun janë aty për të raportuar në kohë reale për të gjithë ndjekësit tanë.
