Google Maps së shpejti do të nxjerrë në treg “Immersive View“, një shërbim i ri i fuqizuar nga AI.
Ky shërbim është aktiv për ndërtesat ikonike dhe lejon rrotullimin e tyre 3D, si përshembull të Big Ben në Londër ose Kullës Eifel në Paris. I lajmëruar për herë të parë në maj, shërbimi i ri do të ofrohet së shpejti në Amsterdam, Berlin, Dublin, Firence, Las Vegas, Londër, Los Anxhelos, Nju Jork, Miami, Paris, Seattle, San Francisko, San Jose, Tokio dhe Venecia.
Immersive View përdor vizionin kompjuterik dhe AI duke bashkuar pamjen e rrugës dhe imazhet ajrore për të krijuar një model dixhital të botës. Zogjtë e animuar fluturojnë nëpër këto pamje gjithashtu. Ky shërbim bën të mundur dhe navigimin në rrugët e biçikletave dhe trotuare.
Informacioni për cilësinë e ajrit dhe pamja e itinerarit ndërkohë që moti ndryshon gjatë ditës mund të shikohen paraprakisht. Inteligjenca artificiale dhe tendencat historike të drejtimit të automjetit arrijnë të parashikojnë se sa shoferë mund të jenë në një rrugë në një kohë të caktuar, duke treguar se si një autostradë e mbingarkuar në orën e pikut mund të jetë shumë më e lirë më vonë gjatë ditës.
Google ka punuar me Transport for London (TfL) për të rregulluar mirë planifikimin e udhëtimit në kompjuter dhe smartphone në Londër. Google Maps përditësoi dhe algoritmet për t’i dhënë përparësi çiklizmit në rrugë më të sigurta, më të qeta dhe në korsi biçikletash. Rrugët më të sigurta tani do të jenë më të lehta për t’u zbuluar brenda Google Maps, tha një deklaratë e TfL.
