Një raportim i ri nga Bloomberg tregon se Google dhe Nvidia janë 2 kompanitë më të reja të cilat kanë nisur të shfaqin shqetësimet e tyre në lidhje me marrëveshjen e blerjes së Activision Blizzard nga Microsoft, megjithatë interesat e kompanisë janë disi më ndryshe nga ato të Sony, të cilat kishin si qëllim ndalimin e marrëveshjes.
Google dhe Nvidia shfaqen më të shqetësuar në lidhje me sektorin cloud gaming. Që të dyja kompanitë kanë raportuar disa informacione që tregojnë se nëse Microsoft arrin të finalizojë blerjen e Activision Blizzard, do të krijohet një avantazh i padrejtë në tregun e cloud gaming.
Megjithatë që të dyja kompanitë tregojnë se nuk kanë si qëllim ndërprerjen e marrëveshjes në përgjithësi. Sipas raportimit të Bloomberg tregohet se Nvidia theksoi nevojën për “akses të hapur në të gjitha lojrat”, por nuk ka kërkuar që marrëveshja të mos kryhet.
Një raportim që vjen nga muaji nëntor i vitit të kaluar tregon se Google kishte ankesa të tjera ndaj Microsoft, pasi pretendonte se kompania “ulte qëllimisht cilësinë e Xbox Game Pass kur përdorej në Google Chrome OS”.
Është e rëndësishme të theksohet se të gjitha komentet mbi Nvidia dhe Google janë ende raportime, dhe nuk ka patur ende asnjë deklaratë zyrtare nga kompanitë.
article by Brenton Benja
