Apple pritet të prezantojë AirPods Pro 2 gjatë këtij viti, me shumë mundësi në shtator. Kjo gjeneratë e re pritet të vijë me një dizajn të ri, mbështetje për audiot Lossless, së basshku me disa sensorë fitness për herë të parë.
Nga fillimi i vitit 2022, analisti i Apple Ming-Chi Kuo raportoi se AirPods 2 do të vijë me një dizajn të ri të ngjashëm me Beats Fit Pro 2021, pra nuk do të ketë më zgjatime por do të fiksohet në brendësi të veshit.
Megjithatë në qershor një leak i ri nga 52audio tregoi se AirPods Pro 2 do të ruajnë të njejtin dizajn të gjeneratës aktuale, me një ndryshim të vogël në pjesën e silikonit. Për sa i përket ngjyrës, pritet që Apple të vazhdojë t’i prodhojë kufjet wireless vetëm në ngjyrën e bardhë.
Për herë të parë ishte Ming-Chi Kuo ai që tregoi se Apple po përgatitej për të sjellë formatin Apple Lossless në AirPods Pro 2, gjë që do të tërheqë rreth 18-20 milionë persona të blejnë versionin e ri të kufjeve nga Apple.
Për të përmirësuar jetëgjatësinë e baterisë si dhe lidhjen e qëndrueshme të kufjeve me pajisje të ndryshme, Apple ka në plan të përdorë një version të ri të proçesorit H1. Gjithashtu kompania do të shtojë mbështetjen për Bluetooth 5.2. Në këtë mënyrë do të sigurohet një lidhje më e qëndrueshme dhe efiçiente e AirPods Pro 2, së bashku me një kualitet më të rritur të dëgjimit.
Sensorët e fitness që pritet të shtohen në AirPods 2 Pro pritet të përdoren për të monitoruar ritmin e frymëmarrjes.
Për sa i përket çmimit, nuk ka ende një shifër të saktë, por mendohet se Apple mund të rrisë çmimin me $50 pasi ka shtuar disa komponentë të rinj në produktin e saj.
