Nëse ju nuk e keni provuar asnjëherë të mbani në dorë një Apple Watch Ultra, duhet të dini se ajo peshon më tepër se dyfishi i orës më të lehtë në Series 8, dhe është shumë më e rëndë se modelet e tjera 45mm.
Prandaj Apple ka menduar ta ndryshojë një fakt të tillë, sipas një burimi nga Kina i cili parashikoi dhe më parë lançimin e një iPhone 14 me ngjyrën e verdhë. Përdoruesi i Weibo Setsuna Digital tha që në mars të këtij viti se Apple po përgatitej të ofronte ngjyrën e verdhë në modelet bazë iPhone 14 dhe 14 Plus.
Në postimin e fundit në Weibo ai ka treguar se pesha e Apple Watch Ultra është reduktuar. Modeli aktual Apple Watch me kasë titaniumi peshon 61.3g, sa dyfishi i kasës së Apple Watch Series 8 41mm (31.9g). Megjithatë Setsuna Digital nuk ka përmendur një vlerë të saktë të peshës së re të orës smart.
Më herët analisti i mirënjohur Ming-Chi Kuo tregoi se kompania do të përdorë pjesë të printuara 3D për të ulur peshën e kësaj ore. Shumica e produkteve të printuara 3D përbëhen nga plastika apo fibra e karbonit, dhe në qoftë se Apple do të zëvëndësojë pjesë metalike me materiale plastike të printuara 3D do të reduktonte peshën e orave smart.
