Apple aktivizoi mesazhet satelitore jo emergjente nga iPhone në fillim të këtij viti. Sipas Mark Gurman të Bloomberg, mund të bëjë të njëjtën gjë për Apple Watch Ultra të gjeneratës së ardhshme, përkrah shërbimit të monitorimit të presionit të gjakut të përfolur prej kohësh.
Mesazhet satelitore në Watch Ultra janë përfolur që para se të dinim se si do të quhej modeli sportiv i Apple me madhësi XL në linjën e saj të orëve inteligjente. Sipas përshkrimit të Gurman, do të funksiononte si në iPhone, duke ju lejuar të dërgoni mesazhe me tekst nga ora pa patur një lidhje Wi-Fi apo me kompanitë e telekomunikacionit.
Ai gjithashtu raporton se Apple po ndërron modemet Intel në Apple Watch për një komponent nga MediaTek, por nuk ka ende ndonjë plan për të përdorur modemet e saj të ardhshëm të brendshëm për wearables. Komponenti i ri i përfshirë në “të paktën disa modele” mund të mbështesë gjithashtu RedCap, shërbimin 5G të destinuar për wearables dhe IoT që sakrifikon antenat shtesë dhe bandwidth maksimale për të ulur koston dhe për të zgjatur jetëgjatësinë e baterisë.
Shtimi i shërbimit satelitor mund të ndihmojë Apple të tërheqë disa fansa të Garmin inReach, të cilët mund të duan të marrin më pak gjëra me vete, megjithatë jetëgjatësia prej qindra orësh e baterisë së inReach nuk mund të krahasohet me atë të Apple Watch Ultra.
Me sa duket, shërbimi do të ofrohet nga Globalstar, partneri satelitor i Apple për iPhone që bleu 20% të aksioneve muajin e kaluar. Sa i përket monitorimit të presionit të gjakut, Gurman thotë se ai “mund të vijë edhe në vitin 2025”, por ai na kujton se shërbimi është vonuar në të kaluarën. Ashtu si zbulimi i apnesë së gjumit dhe veçoritë e tjera shëndetësore të Apple Watch, kjo veçori nuk do të ofronte matje specifike, por mund t’ju njoftojë nëse duket se jeni duke përjetuar hipertension.
