Ditën e martë Facebook prezantoi 2 pajisje të reja Portal, Portal Go dhe Portal Plus, përmes së cilave ju mund të bëni video-telefonata. Ky është upgrade-i i parë i pajisjeve që nga viti 2019.
Portal Go kushton $199, ka një ekran 10 inç dhe vjen në formatin e ri portabël pasi në të është përfshirë tashmë një bateri, ndërkohë që Portal Plus ka një ekran 14 inç dhe vjen me çmimin $349.
Në Portal Go është përfshirë kamera me kënd të gjerë që ndjek automatikisht përdoruesin sa herë që ai lëviz, duke zmadhuar pamjen në portretin e tyre. Kjo është hera e parë që një pajisje Portal nuk kerkon një lidhje konstante energjie, dhe Facebook tregon se ato mund të përdoren si një Bluetooth speaker me suport për Spotify dhe Pandora.
Ndryshe nga linja e Amazon Echo për pajisjet shtëpiake smart, Portal i Facebook është dizenjuar tërësisht vetëm për të kryer video-telefonata. Ndërfaqja e Portal është update-uar dhe vendos akoma dhe më tepër theksin tek video-telefonatat si në rastin e punimit nga shtëpia. Një aplikacion i ri kalendari sinkronizohet menjëherë me Outlook ose Google dhe ju tregon se kur keni “meeting” të rradhës, në të cilën mund të merrni pjesë përmes Portal.
Përveç Meesenger dhe WhatsApp, të gjitha pajisjet Portal suportojnë tashmë Zoom, Webex, BlueJeans dhe GoToMeeting.
