Meta po vazhdon me planin e saj për të investuar gjithnjë e më tepër në realitetin virtual, mirëpo në të vërtetë gjithçka po duket si një katastrofë.
Vlera e aksioneve të Meta ra me 24% ditën e enjte në nivelin më të ulët gjatë 4 viteve të fundit pas publikimit të raportimit të tifimeve. Situata është shumë më e keqe se pothuajse 1 vit më parë ku CEO Mark Zuckerberg lajmëroi se Facebook do të ndryshonte emrin në Meta Platforms, për të theksuar fokusimin e kompanisë në zhvillimin e metaverse.
Vjeshtën e kaluar Facebook ishte ndër kompanitë më të vlerësuara në botë, me një vlerë mbi $1 trilion. Fitimet ishin të shumta pasi reklamuesit iu drejtuan rrjeteve sociale si Facebook dhe Instagram për të reklamuar produktet e tyre.
Mirëpo këtë vit e gjithë industria e teknologjisë është përballur me probleme të shumta, por Meta është kompania e cila ka vuajtur më tepër këto pasoja me një rënie prej 67% të vlerës së aksioneve pas 1 viti. Pra Meta ka humbur më tepër se $700 miliardë vlerë në treg.
Ditën e enjte vlera e Meta ishte $268 miliardë. Tashmë investitorët kanë nisur të ngrenë pyetjet nëse ky vendim “all in” në bastin e metaverse do të sjellë fitimet e parashikuara.
