Komisioni Evropian ka vendosur që të nisë investigimet në lidhje me marrëveshjen e arritur mes palëve për blerjen prej $40 miliardë të kompanisë britanike Arm nga Nvidia.
Rregullatorët janë të shqetësuar se Nvidia mund ta përdorë këtë lëvizje për të penguar aksesin në teknologjinë e Arm që furnizon pjesën më të madhe të smartphone-ve në botë. Nvidia ka premtuar se ajo do të ruajë modelin e mëparshëm open-licensing të Arm.
Zyrtarët treguan se prodhuesi më i madh i proçesorëve grafik dhe AI kishte ofruar konçesione për të zgjidhur këtë problem. Mirëpo Komisioni tha se ka akoma disa dyshime serioze në lidhje me këtë marrëveshje, e cila mund të rezultojë në reduktim të inovacionit, çmime më të larta për konsumatorët dhe më produkte të pakëta.
“Analiza jonë tregon se blerja e Arm nga Nvidia mund të çojë në akses të limituar ose të degraduar të produkteve të Arm, e cila do të ketë efekte të rënda në shumë tregje ku proçesorët gjysëmkonduktorë përdoren.” tha komisionerja evropiane për konkurencën Margrethe Vestager.
Kompania britanike e kishte humbur pavarësinë e saj që në vitin 2016, ku SoftBank u bë aksioneri më i madh i kompanisë.
Nvidia tha se ato kanë shpresa se mund t’i përgjigjen të gjitha shqetësimeve të rregullatorëve dhe të vazhdojnë më tej me blerjen. “Ne po presim që të vijë mundësia e adresimit të këtyre shqetësimeve nga Komisioni Evropian sa më shpejt në mënyrë që ne të fillojmë menjëherë nga puna.” tha një zëdhënës i kompanisë.
