Evropa ka arritur një marrëveshje me SpaceX për të lançuar në hapësirë katër satelitë Galileo vitin e ardhshëm në koordinim me Agjencinë Hapësinore Evropiane, sipas një raportimi të Wall Street Journal. Këto satelitë të lançuar përmes Falcon 9 të SpaceX do t’i shtohen 28 satelitëve që aktualisht rrotullohen rreth Tokës në sistemin global të navigimit të Evropës.
Megjithatë duhet ende marrja e një miratimi përfundimtar nga dega ekzekutive e Bashkimit Evropian, gjë që mund të ndodhë përpara fundit të vitit 2025. Një zëdhënës i Komisionit Evropian tregoi për WSJ se ata “po marrin të gjitha hapat e nevojshme për të siguruar që konstelacioni Galileo të vazhdojë të ofrojnë shërbime të jashtëzakonshme në muajt dhe vitet e ardhshme.”
Raketat Falcon 9 që bartin satelitët Galileo do të nisen drejt hapësirës nga SHBA, sipas drejtorit të navigimit në Agjencinë Hapësinore Evropiane, Javier Benedicto. Komisioni Evropian nuk është tepër i kënaqur që mbështetet te një kompani amerikane për të ofruar infrastrukturë kritike në hapësirë, por lufta në Rusi dhe vonesat në programin e raketave evropiane Ariane e kanë lënë kontinentin pa alternativa të tjera, thonë zyrtarët.
Sistemi Evropian Galileo rivalizon Sistemin e Pozicionit Global të SHBA-së, Beidou të Kinës dhe GLONASS të Rusisë. Kjo do të shënojë herën e parë në 15 vjet që satelitët Galileo janë lançuar jashtë territorit të BE.
Komisioni Evropian kohët e fundit ka hasur në mosmarrëveshje me Musk lidhur me moderimin e përmbajtjes në X, duke e akuzuar miliarderin se ka lejuar shpërndarjen e informacioneve të rreme. Javën e kaluar përflitej se Musk po konsideronte tërheqjen e X nga Evropa krejtësisht në përgjigje të rregullores së re të miratuar nga komisioni.
