VivaTech u rikthye në Paris për edicionin e tij të gjashtë nga datat 25-19 qershor në formatin online dhe me praninë e publikut, ku Geek Room së bashku me Vodafone ishin të pranishëm. Gjatë këtij eventi u prezantuan shumë produkte teknologjike të ndryshme, megjithatë shumica e produkteve ishin të fokusuara në disa tema kryesore.
Gjatë këtij viti në VivaTech u trajtuan 6 tema: Gara drejt 0 emëtimeve, rikthimi i lëvizshmërisë, e ardhmja e punës, “Përfshirja është një mentalitet”, Skajet e teknologjisë dhe Web 3. Menaxhuesja e këtij eventi, Julie Ranty tha se dy prej këtyre temave kishin një përqëndrim të veçantë, Gara drejt 0 emëtimeve dhe Web 3.
Me 1,800 startups që përfaqësojnë 70,000 vende pune dhe financim vjetor që i tejkalon $1 miliardë, GreenTech do të shndërrojë Francën në një referencë ndërkombëtare në këtë sektor.
“VivaTech na dha mundësinë jo vetëm për reklamimin e inovacioneve që zhvillohen në Francë por dhe në përgjigjen ndaj sfidave të ditëve të sotme me të cilat startups përballen në arritjen e një transformimi radikal, përmes një angazhimi të vërtetë.” tha Clara Chappaz, drejtuese e La Mission French Tech.
Web3 – ajo që konsiderohet si versioni i ardhshëm i internetit – ishte tema e dytë nga rëndësia që u trajtua gjatë VivaTech. “Rëndësia e këtij trendi po rritet me kalimin e ditëve. Ne do të shpjegojmë se si ky zhvillim do të funksionojë, duke treguar mundësitë e ofruara për kompanitë e luksit, muzikën dhe industritë kreative së bashku me përdoruesit.” tha Ranty.
Ajo shtoi se VivaTech do të jetë një mundësi e mirë për të gjithë ekspertët për t’u mbledhur dhe diskutuar nëse ky ndryshim do të ndodhë së shpejti.
