Shumë nga ne kanë akoma në përdorim password-e si “password” apo “123456” dhe nuk e mendojmë asnjëherë se sa e thjeshtë është për hakerat që ta gjejnë këtë password dhe të aksesojnë të dhënat tona. Mirëpo sipas një studimi, dhe disa password-e më komplekse se kaq mund të jenë shumë të thjeshtë për t’u gjetur.
Ekspertët treguan se çdo kombinim me 6 shkronja mund të thyhet shymë shpejt. Madje dhe një kombinim me 8 karaktere mund të thyhet brenda 39 minutash, sipas një kompanie të sigurisë kibernetike të quajtur Hive Systems.
Nëse ju dëshironi që të jeni tërësisht të sigurtë, mund të përdorni një password me 18 karaktere që nuk do të thyhet as për 438 trilionë vite, për sa kohë përfshin numra, simbole dhe një miksim të shkronjave kapitale dhe atyre të vogla. Megjithatë, ju mund të përdorni dhe një password me 11 karaktere, që besohet se do të duhej mbi 34 vite për ta thyer atë.
“Nëse ju përdorni të njejtin password në adresa të ndryshme ju jeni shumë të rrezikuar” tha kompania. ”Ne kemi analizuar shpërndarjet e të dhënave të kryera nga 2007, për të parë se cilat janë vendet kryesore ku hakerat shkojnë për të thyer sigurinë e adresave. Rreziku më i madh qëndron nëse ju vendosni të njejtin password dhe në vende ku ju nuk prisni të ketë ndërhyrje të hakerave si në forume apo faqjet e restoranteve, të cilët përdorin një sistem sigurie shumë të dobët.”
