Lodrat e reja të lidhura në internet që keni blerë për fëmijët tuaj si dhuratë për festat e fundvitit mund të jenë duke mbledhur të dhëna mbi fëmijët tuaj. Ekspertët paralajmërojnë se krijuesit e këtyre lodrave mund të shesin të dhënat e grumbulluara drejt reklamuesve, gjë për të cilën ju nuk jeni të informuar.
Katie Terramiggi tha se ajo i bleu vajzës së saj Audrey një lodër të tillë disa vite më parë për Krishtlindje. Tashmë Audrey është 6 vjeçe, dhe tregon se e pëlqente shumë mënyrën se si lodra e saj mund të lidhej me Alexa të Amazon për të komunikuar me të. Terramiggi shpjegoi se kjo lodër fliste në një gjuhë unike me shtypjen e një butoni, dhe më pas Audrey mund të komunikonte me Alexa për të përkthyer fjalët që kjo lodër nxorri.
Mirëpo thellë në termat dhe kushtet e kësaj loje përfshihej dhe një leje ku kompania Creativity Inc., e cila prodhonte Fuzzible Friends, mblidhte informacione në mënyrë anonime rreth përdoruesve të saj dhe mund të gjeneronte një kopje të shkruar të fjalëve që fëmijët flisnin.
Ky është vetëm një shembull në një trend që po rritet dita-ditës, sipas studiuesve në Public Interest Research Group (PIRG) në SHBA. Kjo organizatë raporton se lodrat e tilla smart mund të sjellin rreziqe të tjera, pasi në to mund të fshihen mikrofonë ose kamera që mund të grumbullojnë të dhëna të rëndësishme.
Më pas të dhënat e grumbulluara, dhe pse “janë anonime” i shiten reklamuesve për të krijuar profile të fëmijëve, që funksionon në të njejtën mënyrë si për të rriturit.
