A ju ka ndodhur ndonjëherë gjatë shikimit të një filmi që të aktivizoni titrat pasi nuk arrini dot të dëgjoni dialogun nga zhurma e përtypjes së patatinave? Ndonjëherë kjo zhurmë është aq e bezdisshme sa ka shtyrë Doritos që të krijojë një software të veçantë për eleminimin e saj.
Doritos thotë se ky problem është shumë i pranishëm dhe në botën e video-lojrave. Sipas studimit të tyre të fundit, 85% e lojtarëve amerikanë në të gjithë globin konsumojnë një paketim me Doritos gjatë seancës së tyre të lojërave. Studimi zbuloi gjithashtu se 30% e lojtarëve në SHBA thanë se zhurma e përtypjes së njerëzve të tjerë ndikon në performancën e tyre dhe ata do të mirëprisnin një zgjidhje që eliminon tingujt kërcitës gjatë lojës.
Duke iu përgjigjur kërkesës, Doritos ka prezantuar një shpikje që ndryshon lojën, e njohur si ‘Doritos Silent’ e cila është një teknologji e anulimit të kërcitjes që mund të dallojë tingujt kërcitës nga goja e një përdoruesi dhe ta eleminojë atë duke mos penguar transmetimin e fjalëve të tij, njoftoi Pepsico, kompania mëmë e Doritos.
“Pasi mikrofoni juaj të filtrohet nga shërbimi i ri, ju do të jeni në gjendje të bisedoni si zakonisht, por askush nuk do t’ju dëgjojë teksa përtypeni”, thuhet në faqen e internetit të Doritos. “Lidhja midis fansave të Doritos dhe komunitetit të lojërave është e pamohueshme,” tha Fernando Kahane, Drejtor i Marketingut Global në PepsiCo. “’Doritos Silent’ e njeh këtë lidhje dhe demonstron përkushtimin e vazhdueshëm të markës për inovacionin dhe përmirësimin e përvojës për lojtarët që zgjedhin Doritos.”
