CES 2024: JBL prezanton kasën e re të kufjeve wireless që ka një ekran me prekje të integruar

JBL sapo ka prezantuar një produkt të ri në CES 2024 që merr një ndër shërbimet më të veçanta të kufjeve mjaft inovative JBL Tour Pro 2, ekranin e integruar në kasën që mban kufjet wireless.

JBL Live TWS3 përfshijnë tashmë këtë kasë inteligjente që ka një ekran LED touchscreen 1.45”, nga ku ofrohet kontrollimi i pothuajse të gjitha shërbimeve dhe funksioneve pa patur nevojë që të hapni aplikacionin JBL Headphones. Seria Live 3 të JBL do të jenë të disponueshme në 3 stile, duke përfshirë Buds, Beam dhe Flex. Stilet e ndryshme janë krijuar për rehati dhe fleksibilitet për t’iu përshtatur kërkesave tuaja në varësi të stilit tuaj.

Të pajisura me Bluetooth 5.3 me LE (i disponueshëm nëpërmjet një përditësimi të mëvonshëm OTA), JBL thotë se ato mbështesin lidhjet me shumë pika, kanë jetëgjatësi të zgjatur të baterisë (megjithëse nuk ka shifra të përmendura) dhe janë të vlerësuar me certifikimin IP55 kundër ujit dhe pluhurit. Ato do të jenë të disponueshme në katër ngjyra të reja duke përfshirë ngjyrat vjollcë, blu, argjend dhe të zeza.

Çmimi pritet të jetë 199 euro dhe JBL Albania ka konfirmuar për Geek Room se produkti do të jetë në Shqipëri nga qershori 2024.

JBL ka prezantuar versionet e reja për tre nga speaker-at e saj më të njohur portativë. Xtreme 4 (€399), Clip 5 (€69) dhe Go 4 (€49) do të përditësohen në versionin Bluetooth 5.3 me mbështetje për audio LE dhe lidhje me shumë speaker të tjerë nëpërmjet Auracast. JBL thotë se kjo do të zhbllokojë opsionet e lidhjes për stereo ose me shumë speakers të ndryshëm për herë të parë. Ashtu si me modelet ekzistuese që renditen në mesin e disa prej speakers më të mirë të papërshkueshëm nga uji, tre versionet e reja kanë gjithashtu vlerësim IP67 për t’i mbrojtur ata nga hyrja e ujit dhe pluhurit.

Është përditësuar gjithashtu dhe seria PartyBox me JBL PartyBox Club 120 (€399), JBL PartyBox Stage 320 (€599) dhe JBL PartyBox Wireless Mic (€129).