Nvidia vendosi që të shfrytëzojë hapësirën e ofruar nga CES 2023 për të prezantuar kartën më të re grafike në serinë RTX 40, që quhet RTX 4070 Ti.
Karta e re grafike përdor arkitekturën e re të Nvidia Ada Lovelace dhe është dizenjuar për të qenë një pasuese e denjë e RTX 3090 Ti, pasi ofron më tepër performancë dhe suport për DLSS 3. Nvidia pretendon se RTX 4070 Ti është 3 herë më i fuqishëm se RTX 3090 Ti.
Prej disa kohësh Nvidia i ka promovuar pajisjet e saja si një pjesë tepër e rëndësishme e revolucionit VR dhe AR me qëllim rikrijimin e një “binjaku dixhital” të botës në Nvidia Omniverse. Nëpërmjet një leak-u të bërë nga vetë Nvidia, u lajmërua se kompania rekomandonte përdorimin e GeForce RTX 4070 Ti ose Nvidia RTX A4500 për përdorimin e aplikacionit Omniverse View. Në këtë aplikacion përdoruesit mund të shikojnë rendera në Omniverse në kohë reale.
Kjo është karta e 4 grafike që bën pjesë në serinë RTX 40, pasi pak kohë më parë u prezantuan RTX 4090 dhe 4080, respektivisht me 16GB dhe 12GB memorie të dedikuar. Nga shumë analistë të ndryshëm, RTX 4070 Ti konsiderohet si një version i ribranduar i RTX 4080, që u lançua në tetor. RTX 4070 Ti do të dalë në shitje me çmimin $799 nga data 5 janar.
