Teknologjia që ne përdorim në jetën e përditshme për të lidhur smartphone-t me smart speakers apo makinën tonë, shfaq problematika të tjera më serioze se problemet me lidhjen. Shpesh herë është vërtetuar se Bluetooth është një “makth” i sigurisë dhe privatësisë tuaj, prandaj ju duhet të vendosni ta përdorni sa më pak atë.
Bluetooth ka qenë prej kohësh tema kryesore e profesionistëve të sigurisë. Ajo është aq e mirënjohur, sa që një ndër këshillat më të shpeshta që iu jepeshin pjesëmarrësve në konferencën e hakerave DEF CON ishte fikja e Bluetooth.
Kjo nuk është thjesht një paranojë, pasi studiuesit në DEF CON treguan një mënyrë se si Bluetooth përdorej për të identifikuar digital speakers me probleme në siguri. Sapo ky problem zbulohej nga hakerat, ato mund të fitonin kontroll të plotë në pajisjen kryesore dhe të luanin çfarëdolloj muzike që parapëlqenin.
Një tjetër shqetësim i lidhur me Bluetooth është ndërhyrja dhe alterimi i të dhënave të transferuara. “Një haker mund të ndërhyjë në përmbajtjet që po transferohen nëpërmjet Bluetooth dhe t’i ndryshojë këto përmbajtje.” shpjeguan studiuesit.
Siç pamë dhe më parë, teknologjia Bluetooth Low Energy nuk është aq e sigurtë, dhe hakerat mund të shfrytëzojnë këtë dobësi në sistem për të hapur dyert e makinës tuaj.
Me pak fjalë: nëse ju mbani hapur gjatë gjithë kohës Bluetooth jeni të ekspozuar ndaj sulmeve dhe shkeljes së privatësisë tuaj.
