Komisioni Evropian, krahu ekzekutiv i Bashkimit Evropian, ka shprehur qartazi planet për të detyruar prodhuesit e smartphone-ve dhe pajisjeve të tjera elektronike që të përdorin një portë USB-C për karikimin e tyre.
Ky propozim pritet të ketë impaktin më të madh në Apple, e cila është ndër kompanitë e vetmë që nuk përdor USB-C në smartphone-t e saj dhe vazhdon me Lightning Port. Rregullat e reja kanë si qëllim të ulin sasinë e mbetjeve elektronike, duke lejuar njerëzit të ripërdorin karikuesët dhe kabllot ekzistuese kur ato blejnë pajisje të reja elektronike.
Ky rregull pritet të funksionojë për të gjitha pajisjet elektrike si tabletët, kufjet, speakers dhe kamerat. Prodhuesit do të forcohen gjithashtu të përfshijnë informacione për klientët se cili është standardi i karikimit të pajisjes.
Mirëpo këto propozime do të vlejnë vetëm për pajisjet që përdorin karikimin me kabull dhe jo atë wireless. Komisioneri Thierry Breton tha në një deklaratë për shtyp se “ka shumë hapësirë për inovacion në sektorin e karikimit pa kabuj”. Kjo gjë mund të detyrojë Apple që të përgatisë një smartphone tërësisht pa porta, siç është raportuar prej disa kohësh.
Ky propozim do të duhet të votohet në Parlamentin Evropian, dhe nëse ai adoptohet, prodhuesit do të kenë 24 muaj kohë për të aplikuar ndryshimet.
