Gjatë javëve të fundit Apple ka nisur të përshpejtojë planet e saja për të zhvendosur një pjesë të prodhimit të produkteve jashtë Kinës, si dhe ka lajmëruar furnizues që të kryejnë montimin e pajisjeve në një tjetër shtet në Azi, kryesisht në Indi apo Vietnam.
Sipas Wall Street Journal, njerëzit e përfshirë në diskutime treguan se Apple po kërkon gjithashtu të reduktojë varësinë nga kompania nga Taivani e drejtuar nga Foxconn Technology Group.
Zhvillimet e fundit në “Qytetin e iPhone-ve” në Kinë kanë qenë një ndër arsyet kryesore që ka vënë Apple në lëvizje. Në Kinë, Zhengzhou ka rreth 300,000 punonjës që punojnë në fabrikën e Foxconn që prodhon iPhone dhe produkte të tjera të Apple. Në një periudhë të caktuar vetëm në këto fabrika po prodhoheshin 85% e modeleve Pro të iPhone-ve.
Vetëm një javë më parë në këto fabrika u zhvilluan disa protesta masive, të cilat ndikuan shumë në proçesin e prodhimit të smartphone-ve. Në videot e publikuara online mund të shikohen protestuesit q bëjnë thirrje: “Ngrihuni për të drejtat tuaja!”
Apple duket se është shqetësuar nga ngjarjet e fundit dhe i ka kërkuar partnerëve të saj të nisin të kryejnë më tepër punë jashtë territoreve të Kinës.
