Ende pa dalë mirë në treg dhe AirPods Max janë plot me porosi deri në mars. Produkti kishte kohë që pritej të dilte në treg, zhurmat rezultuan të sakta dhe Apple ia doli edhe kësaj here të sjellë një produkt solid, me një performancë mbresëlënëse. Ama për këdo që nuk është fans i betuar i Apple, dy anë negative i ranë në sy gjithë botës; shumë të rënda dhe shumë të shtrenjta.
Sipas një raporti të kohëve të fundit, pretendohet se kompania do të nxjerrë një version pak më inferior i cili do të adresojë specifikisht këto dy pika. Duke ndryshuar disa prej materialeve përbërëse, AirPods Max Lite do të peshojë më pak, e do të kushtojë më pak. Parashikimet e para flasin për një çmim mesatar prej $349, megjithatë shpresojmë që pjesë e kompromiseve të mos jenë shumë prej funksioneve që i dhanë emër linjës së produktit në rradhë të parë. Shpresojmë që të paktën Active Noise Cancellation të mos sakrifikohet.
Nga ana tjetër parashikohet që edhe nëse materialet e kupave të veshit ndryshojnë, metali dhe copa e shiritit mbi kokë të mos ndryshojnë për fleksibilitet maksimal dhe pamjen e njejtë.
