Bloomberg tregon se Apple po teston variante të çipit M3, me Macs të parë që përdorin proçesorin e ri që mund të mbërrijnë në fillim të tetorit.
Çipi i laptopit të nivelit të lartë, M3 Max, thuhet se do të ketë katër CPU cores të tjera me performancë të lartë dhe të paktën dy cores grafike shtesë në krahasim me M2 Max, i cili u prezantua në janar të këtij viti. Kompania thuhet se po teston iMac të rinj, MacBook Pro 13 inç, MacBook Air 13 inç dhe 15 inç dhe Mac mini – të gjitha përdorin çipin M3 dhe pritet brenda 12 muajve të ardhshëm.
Modelet e përditësuara të MacBook Pro 14-inç dhe 16-inç me çipa M3 Pro dhe M3 Max nuk do të arrijnë deri në vitin 2024. Kompania do të përpiqet të prezantojë sa më shpejt linjën e re të kompjuterave pasi kjo linjë ka regjistruar një rënie në numrin e shitjeve pas një bumi të epokës së pandemisë. Megjithëse lançoi një MacBook Air 15 inç në qershor dhe modelet e reja të MacBook Pro dhe Mac mini në janar, ne mund të shohim më shumë pajisje të reja Mac këtë vjeshtë.
Bloomberg raporton se Apple me të vërtetë po planifikon një lançim produkti në tetor. Çipi bazë M3 thuhet se do të përdorë të njëjtin konfigurim si M2: 8 processor cores dhe deri në 10 graphical cores.
Sidoqoftë, M3 Pro do të vijë me 12 CPU cores dhe 18 graphical cores, dhe regjistrat e testimit sugjerojnë se M3 Max do të përfshijë 16 CPU cores dhe 40 graphical cores. Sigurisht, Apple mund të testojë variante të shumta të opsioneve me numra të ndryshme cores, dhe ne nuk e dimë ende se cilat versione do të vijnë drejt konsumatorëve.
Çipi M3 është përfolur prej kohësh se do të zhvendoset në procesin e ardhshëm 3 nanometër të TSMC për përmirësimet e pritura të performancës dhe efikasitetit mbi procesin 5nm të përdorur në M2. Apple gjithashtu pritet gjerësisht të përdorë procesin 3nm për çipin A17 në serinë e ardhshme të iPhone 15.
