Apple lajmëroi ditën e djeshme se eventi i tyre i përvitshëm Worldwide Developers Conference do të organizohet nga data 6 deri në datën 10 qershor. Njësoj si WWDC në 2021 dhe 2020, dhe eventi i këtij viti do të organizohet në mënyrë dixhitale pa praninë e publikut.
Para vitit 2020, Apple e organizonte WWDC në McEnery Convention Center, ku merrnin pjesë me mijëra zhvillues, mirëpo nga viti 2020 Apple prezantoi formatin online i cili është falas për të gjithë ndjekësit. Pra zhvilluesit nga e gjithë bota do të mund të ndjekin WWDC online pa asnjë kosto shtesë.
Apple tregon se eventi i këtij viti do të përfshijë sesione shtesë informacioni, më tepër laboratore për të mësuar dhe salla pritje virtuale, duke e bërë WWDC “një event të vërtetë global”. Dhe pse eventi do të jetë dixhital, kompania do të mbledhë në një ditë të veçantë zhvilluesit dhe studentët në Apple Park për të parë videot e State of the Union së bashku.
Studentët mund të dorëzojnë Swift Playground të tyre në Swift Student Challenge duke filluar nga dita e sotme deri në 25 prill, dhe fituesit do të përfitojnë një çmim të veçantë WWDC 2022.
Gjatë këtij eventi pritet të prezantohen software të rinj si iOS 16, iPadOS 16, macOS 13, tvOS 16 dhe watchOS 9. Është gjithashtu e mundur që gjatë këtij eventi të prezantohen dhe versione të reja hardëare si Mac Pro dhe MacBook Air.
