Advanced Micro Devices (AMD) ka prezantuar kartat e reja grafike Radeon 7900XTX dhe 7900XT të bazuara në arkitekturën RDNA të GPU që mbante emrin e koduar Navi 3 (RDNA 3).
Kartat e reja grafike janë të dizenjuara dhe optimizuara për gamers-at: 7900XTX është e specifikuar 2.3GHZ dhe dorëzon një performancë deri në 61 teraflops. Karta mbështet deri në 24GB memorie GDDR6 dhe DisplayPort 2.1, dhe ka termal design power (TDP) deri në 355W.
Karta tjetër grafike Radeon 7900XT 2GHZ është e ngjashme por vjen me suport për 20GB memorie GDDR6 dhe ka TDP 300W. Pritet që të dyja kartat të dalin në treg në datën 13 dhjetor të këtij viti me çmimet $999 dhe $899 respektivisht. Ndërkohë që këto shpejtësi duken mjaft të mira, çfarë performance do t’i sigurojnë gamers-ave?
Në botën e lojrave first person shooter të ditëve të sotme, frames per second (FPS) është mjeti kryesor krahasues që përdoret nga gamers. Ato kërkojnë gjithmonë të kenë FPS më të lartë të mundshme për të arritur suksesin e duhur.
Përmes kartave të reja grafike të serisë 7900, AMD i premton përdoruesve një performancë të lartë me të gjitha shërbimet e avancuara aktive.
Kompania tregoi se qëllimet në krijimin e kartave të reja grafike ishte optimizimi i performancës për vat dhe mbështetja e grafikave me rezolucion të lartë dhe FPS të lartë, të gjitha këto për një çmim nën $1,000.
