“Këto fotografi të protestës janë të çmendura.” Vetëm kaq pak fjalë mjaftuan për të përshkruar fotografinë e gjeneruar nga inteligjenca artificiale për të tërhequr vëmendjen e më tepër se 2 milionë përdoruesve të Twitter.
Momentalisht në Francë po zhvillohet një protestë të shpërndarë në mbarë vendin që ka si qëllim ndalimin e reformës së planifikuar nga Macron për ndryshimet në pension, veçanërisht rritjen e moshës për marrjen e pensionit të plotë nga mosha 62 në 64 vjeç.
@WebCrooner shfrytëzoi rastin për të kërkuar nga AI krijimin e një imazhi ku duket se ”ka një paqje midis protestuesve dhe policisë”, pasi polici shfaqet duke përqafuar një protestuese.
“Këto 3 imazhe nuk u shkrepën gjatë protestës kundër reformës së pensioneve. Unë i gjenerova ato nga interneti. Qëllimi im ishte të rrisja ndërgjegjësimin mbi imazhet e gjeneruara nga robotët.” sqaron përdoruesi i Twitter, Anthony.
“Unë dëshiroja të publikoja 2 tweet-s, një me 3 fotografitë, dhe një ku shpjegoja se fotot nuk janë të vërteta.” Mirëpo ai nuk arriti dot ta ndiqte planin e tij.
“Menjëherë fotografi që unë kisha identifikuar në tëeet u shpreh se fotot nuk ishin të vërteta.” Shtoi Anthony. Edhe Nina Lamparski tregoi se përse këto fotografi ishin të gjeneruara nga AI, pasi oficeri i policisë kishte 6 gishta në dorën e tij.
