Mund të duket disi e vështirë për t’u besuar, por duket se Alexa ndihmon personat e moshuar të ndihen më pak të vetmuar.
Në një studim të kryer mbi 57 banorë në Mbretërinë e Bashkuar, të cilët ishin të moshës 65 vjeç e lart, u testua pajisja Amazon Echo e cila u përdor nga këto persona për një muaj. Katër në pesë persona të moshuar thanë se asistenti virtual i bëri të ndiheshin më pak të vetmuar dhe të izoluar. Përpara nisjes së studimit, 49% e pjesëmarrësve thanë se ndiheshin të gëzuar. Por pas dy javëve të para të përdorimit të tij, kjo u rrit në 68% dhe, në fund, 75% ndiheshin më të lumtur.
Studimi, i cili u porosit nga gjigandi i teknologjisë Amazon, zbuloi gjithashtu se pajisja rrit ndjenjat e qetësisë dhe relaksimit. Një pjesëmarrës tha: ‘Më bën të ndihem më i sigurt duke përdorur teknologjinë dhe në një farë mënyre është një lloj shoqëruesi për mua.’
Detyra më e zakonshme për të cilën ata përdorën Alexa ishte të kontrollonin parashikimin e motit, të ndjekur nga dëgjimi i muzikës dhe podkasteve, lajmeve dhe përgjigja e pyetjeve. Një në tre persona e përdori pajisjen për t’i kujtuar që të merrnin ilaçet në kohën e duhur.
Ylli i Strictly, Angela Rippon, 79 vjeç, e cila është bashkuar me Amazon për të rritur ndërgjegjësimin se si Alexa mund t’i ndihmojë të moshuarit, tha se e përdori atë për të bërë listën e saj të blerjeve. Ajo tha: ‘Shërbimet zanore të AI si Alexa mund të sjellin familjen dhe miqtë në shtëpinë tuaj dhe për shkak se aktivizohet me zë, nuk ka teknologji të komplikuar të përfshirë. Është kaq e lehtë për t’u përdorur dhe mund t’u përgjigjet pyetjeve tuaja në lidhje me motin – apo edhe si të përsosni cha-cha tuaj“.
