Në vitin 2001, inxhinieri britanik Roger Shawyer prezantoi EmDrive, një sistem propulsioni kontrovers që pretendonte se funksiononte pa përdorur një shtytës, duke thyer kështu ligjet e fizikës.
Pavarësisht dyshimeve, dy dekada testimesh përfunduan në vitin 2021 me një konkluzion të parashikueshëm: EmDrive nuk ishte I efektshëm. Megjithatë, koncepti i një sistemi propulsioni pa shtytës nuk vdiq me EmDrive.
Në vitin 2023, Charles Buhler, një ish-shkencëtar i NASA-s, dhe ekipi i tij në Exodus Propulsion Technologies pretenduan se kishin zhvilluar një motor të ri bazuar në një “Forcë të Re” jashtë ligjeve tona aktuale të njohura të fizikës, duke i dhënë energjinë e duhur për të mposhtur gravitetin pa një sistem propulsioni.
Buhler, i cili ka punuar më parë në Qendrën Hapësinore të NASA-s në Kennedy, shpjegoi se kjo forcë e re krijohet përmes fushave elektrostatike, të cilat mund të prodhojnë shtytje duke krijuar një asimetri në presionin elektrostatik. Ai theksoi se ky zbulim nuk është i lidhur me NASA-n dhe u paraqit në Alternative Propulsion Energy Conference (APEC), një grup inxhinierësh që eksplorojnë metoda jo konvencionale për propulsion. Ekipi i Buhler, i cili përfshin ekspertë nga NASA, Blue Origin dhe Air Force, ka studiuar motorët pa shtytës për vite me radhë, dhe gjetjet e tyre të vitit 2023 pretenduan të siguronin një shtytje të mjaftueshme për të mposhtur forcën gravitacionale të Tokës.
Pavarësisht pretendimeve ka akoma dyshime rreth këtij zbulimi, pasi historia e sistemeve të ngjashme të propulsionit ka pasur shpresa të mëdha që më vonë kanë dështuar nën kontrollin shkencor. Edhe pse rezultatet e Buhler janë tërheqëse, kërkohet verifikim i pavarur dhe teste rigoroze për të nxjerrë një konkluzion të qartë.
