Xiaomi sapo ka prezantuar serinë e re Redmi Note 11, duke update-uar kështu linjën e saj ekonomike shumë të shitur.
Në total do të jenë 4 smartphone në këtë seri të cilët ndryshojnë nga njëri-tjetri në disa zona specifike. E gjithë linja Redmi Note 11 përmban atë që Xiaomi e përshkruan si një “dizajn modern me kënde të drejta”.
Redmi Note 11 Pro 5G do të jetë pajisja më high-end e kësaj serie, e cila përdor një proçesor Snapdragon 695 me mbështetje për rrjetin 5G. Ekrani OLED ka një madhësi 6.67 inç dhe kualitet FHD, ndërkohë që ofron dhe refresh rate 120Hz. Bateria ka kapacitet 5,000mAh dhe mund të karikohet përmes karikueses së shpejtë 67W.
Për sa i përket kamerave, në këtë smartphone gjenden kamera kryesore 108MP, ajo ultrawide 8MP dhe macro 2MP. Ky është i vetmi smartphone në këtë seri që nuk përmban një depth sensor 2MP.
Redmi Note 11 Pro është praktikisht identik me modelin Pro 5G, me ndryshimin e vetëm që gjendet në pjesën e proçesorit. Ky smartphone përdor proçesorin MediaTek Helio G96 që mbështet rrjetin LTE.
Redmi Note 11 përdor proçesorin Snapdragon 680 dhe ka një ekran 6.43 inç LCD me refresh rate 90Hz. Kamera kryesore e këtij smartphone-i ka kualitet 50MP. Note 11 mund të karikohet përmes karikimit të shpejtë 33W dhe ofrohet në 2 versione, me 6 dhe 8 GB RAM.
Redmi Note 11S përdor të njejtin ekran dhe shfrytëzon të njejtën teknologji në shpejtësinë e karikimit, ndërkohë që përdor proçesorin Helio G96. Ky smartphone përdor të njejtën kamera kryesore 108MP si Note 11 Pro.
Në të gjithë smartphone-t bateria ka kapacitet 5,000mAh, ofrohet skanues i shenjës së gishtit në pjesën anësore të smartphone-it, headphone jack dhe 128GB internal storage.
Për sa i përket listës së çmimeve, ju ftojmë të ndiqni tabelat e mëposhtme.
RAM / internal storage |
Redmi Note 11 Pro 5G |
Redmi Note 11 Pro |
Redmi Note 11S |
6 / 64 GB |
$329 |
$299 |
$249 |
6 / 128 GB |
$349 |
$329 |
$279 |
8 / 128 GB |
$379 |
$349 |
$299 |
RAM / internal storage |
Redmi Note 11 |
4 / 64 GB |
$179 |
4 / 128 GB |
$199 |
6 / 128 GB |
$229 |