Në fillim të vitit të ardhshëm ne besojmë se do të kemi në treg serinë e re të smartphone-ve flagship nga Samsung, Galaxy S22. Disa muaj para publikimit të tyre, ne kemi shtënë në dorë një leak interesant në lidhje me këto smartphone.
Në këtë link ju do të gjeni 4 wallpapers të cilat besohet se i përkasin serisë Galaxy S22. Ato duken të jenë të vërteta, pasi prej vitesh Samsung ka ofruar disa wallpapers abstrakte me dizajne shumëngjyrëshe. Megjithatë, burimi i këtij leak-u, Android Police, nuk e ka bërë të ditur se ku i ka siguruar këto wallpapers, gjë që e bën këtë ngjarje më pak të besueshme.
Megjithatë, sfondet duken të bukura. Ato nuk sjellin ndonjë ndryshim madhor nga wallpapers që kemi parë në Samsung Galaxy S21 apo Galaxy S20. Sfondi më i errët duket shumë i ngjashëm me sfondin që ofrohej në Galaxy S21 Ultra.
Sigurisht, nëse ju dëshironi t’i provoni ato në smartphone-in tuaj, mos i shkarkoni nga web-I, por klikoni në linkun e mësipërm. Aty do të shkarkoni një ZIP file me të gjitha wallpapers me rezolucionin më të lartë.
