Një leaker që njihet me emrin Shadow_Leak sapo ka postuar një render të ri i cili besohet se i përket smartphone-it të ri flagship që pritet të prezantohet nga Vivo, Nex 5. Ky render mbështet të njejtat informacione të dhëna më parë nga OnLeaks dhe AppleConceptsPro.
Vivo NEX 5 First Official Look ? pic.twitter.com/xPNVZVpUQW
— Sam (@Shadow_Leak) February 5, 2022
Data e publikimit të këtij smartphone-i nuk është ende zyrtare, megjithatë në renders tregohet 02.2022, gjë që tregon se ky smarphone mund të prezantohet gjatë muajit shkurt.
Në pjesën e kamerave mund të dallohet një mbishkrim Vivo / Zeiss, i cili tregon për bashkëpunimin e vazhdueshëm të dy kompanive. Në ishullin e kamerave do të gjenden 4 lente, ku njëra prej tyre ka një pamje katrore, e cila mund të jetë një lente periscope me një zmadhim të fuqishëm.
Shadow_Leaks tregon gjithashtu se mbishkrimi 50MP GN1 në kamera tregon se lentja kryesore do të jetë ISOCELL GN1 e prodhuar nga Samsung. Në këtë mënyrë, Vivo Nex 5 do të jetë në gjendje të konkurojë me Xiaomi 12 dhe OnePlus 10 Pro.
