Vitin e kaluar vivo shpalli se do të futej në 6 tregje Europiane, ndërkohë që planet për vitin 2021 janë dyfishimi i tyre. Rumania dhe Çekia do të jenë vendet e para që do të pasohen nga Serbia dhe Austria para fundit të qershorit.
Kompania premton të sjellë smartphone premium me sisteme kamerash të dizenjuara nga ZEISS. Për momentin nuk ka emra zyrtarë, por opsionet janë vetëm 3, vivo X60, X60 Pro dhe X60Pro+. Sigurisht që nuk është e garantuar që do t’i shohim të treja, por këto smatphone janë të vetmit me logon ZEISS në kamera.
Shancet janë që vivo po pret që UEFA EURO Championship të fillojë në mënyrë që shitjet të rriten nga marketing, pasi kjo kompani do të jetë UEFA Smartphone Partner zyrtar në kampionatet e vitit 2020 dhe 2024.
Kontaktuar nga Geek Room, vivo ka konfirmuar se planifikon të shtrihet edhe në tregun shqiptar por pandemia ka vonuar procesin. Kompania nuk ka dhënë datë të saktë por ne shpresojmë që brenda 2021 të shohim smartphonet vivo edhe ne tregun shqiptar.
