Samsung ka nisur publikimin e update-it të sigurisë për muajin qershor 2022 për Samsung Galaxy S22 Ultra, dhe një person në krye të ekipit të kamerave në Samsung lajmëroi se ky update do të sjellë dhe disa përmirësime në kameran e smartphone-it.
Ai tregoi përmes disa pikave këto përmirësime. Në fotografinë e publikuar mund të shohim që kemi një përmirësim në qartësinë natyrale dhe shfaqjen e kontrastit, rregullimi i problemit “one time stopping”, përmirësimin e algoritmit AWB për ngjyra të bardha të shprehura më mirë kur kamera identifikon një qen, memorie e optimizuar më mirë për regjistrimin e videove dhe përmirësimi i performancës së portrait mode.
Ky update kërkon 1.7GB hapësirë në pajisjen tuaj dhe momentalisht ka nisur të shkarkohet në Korenë e Jugut. Së shpejti ky update do të vijë në të gjithë botën për përdoruesit e Samsung Galaxy S22 Ultra.
