Tregu global i smartphone-ve u rrit për herë të parë pas 4 vitesh, por numri total i pajisjeve të transportuara gjatë vitit të kaluar ishte më i ulët se në kohën para pandemisë, sipas një raportimi nga Counterpart Research.
Transporti vjetor i smartphone-ve u rrit me 4% gjatë 2021 deri në 1.39 miliardë pajisje dhe pse e gjithë bota u përball me një mungesë në treg të proçesorëve gjysëmkonduktor. Të dhënat nga Counterpoint tregojnë se në 2017, prodhuesit e smartphone-ve transportuan 1.56 miliardë pajisje dhe kjo shifër u ul vazhdimisht nga 2018 deri në 2020.
Në rritjen e këtij numri gjatë vitit të kaluar kontribuan shumë tregjet si Amerika e Veriut, Amerika Latine dhe India. “Rritja e shitjeve në SHBA u krijua nga kërkesa e madhe për serinë e parë të iPhone me rrjetin 5G, iPhone 12 gjatë çerekut të parë të 2021.” tha analisti Walia. Kjo kërkesë e rritur vazhdoi dhe përgjatë periudhës tetor-dhjetor, pasi u ofruan promocione të ndryshme.
Në Kinë situata është e kundërt, shitjet e smartphone-ve në këtë shtet ranë me 2% nga viti në vit për disa arsye të ndryshme, duke përfshirë këtu dhe mungesën e proçesorëve në treg.
Samsung ishte performuesi më i mirë i këtij viti duke transportuar rreth 271 milionë pajisje. U vu re një rritje me 6% në sektorin e pajisjeve mid-range.
Apple arriti të transportonte 237.9 milionë njësi gjatë vitit të kaluar dhe kjo mund t’i adresohet performancës së fortë të serisë iPhone 12. Nga ana tjetër Xiaomi rriti shitjet e saja globale me 31% duke transportuar 190 milionë pajisje. Oppo dhe Vivo regjistruan gjithashtu fitime të shumta gjatë këtij viti, duke transportuar 143.2 milionë dhe 131.3 milionë pajisje respektivisht.
