Në një raportim të ri nga MacRumors tregohet se në gjeneratën e re të iPhone 14, të gjithë modelet do të vijnë me ekrane me refresh rate 120Hz. Aktualisht modelet e iPhone 13 që kanë një refresh rate të tillë janë vetëm ato Pro.
Një tjetër përmirësim që pritet të bëhet në këto pajisje është rritja e kapacitetit të RAM deri në 6GB. Më parë besohej se Apple do të përfshinte 8GB RAM në pajisjet e reja, mirëpo kjo gjë është hedhur poshtë për shkak të kostos së lartë që ky veprim mund të ketë. 6GB RAM është një rritje për modelet normale të iPhone-ve, pasi 13 Pro dhe 13 Pro Max janë që tani të pajisura me 6GB RAM.
Analisti Pu i MacRumors shpjegon se njësoj si Ming-Chi Kuo dhe TrendForce se modelet Pro në iPhone 14 do të kenë kamera 48MP. Sasia e memories së brendshme do të pësojë gjithashtu një rritje në modelin bazë, duke shkuar kështu në 256GB.
Pu është një analist më pak i njohur se Ming-Chi Kuo për sa i përket lajmeve rreth Apple, prandaj ne do të na duhet të presim deri në momentin kur diçka e tillë të konfirmohet dhe nga vetë Apple.
Article by Kristian Hodo
