Redmi Note 11 Pro dhe Redmi Note 11 janë dy smartphone të cilët janë akoma në fazë prodhimi nga Redmi dhe nuk ka asnjë deklaratë zyrtare rreth tyre. Mirëpo në internet kanë filluar të qarkullojnë disa të dhëna ku tregohen specifikat kryesore dhe çmimet e këtyre smartphone-ve.
Këto leaks tregojnë se Redmi Note 11 Pro do të fuqizohet nga proçesori MediaTek Dimensity 920, ndërkohë që Redmi Note 11 do të ketë të përfshirë proçesorin MediaTek DImensity 810.
Note 11 pritet të vijë me një ekran LCD me refresh rate 120Hz, 6/ 8GB RAM dhe 128/256GB internal storage. Kamera kryesore e përdorur në këtë smartphone do të ketë një kualitet prej 50MP, ndërkohë që ajo selfie 16MP. Bateria me kapacitet 5,000mAh do të karikohet shpejt përmes karikueses 33W fast charging.
Nga ana tjetër Redmi Note 11 Pro do të vijë me një panel OLED me 120Hz refresh rate. Një tjetër ndryshim në këtë pajisje pritet të jetë në sektorin e kamerave, ku kamera kryesore do të ketë sezolucion 108MP. Bateria e Note 11 Pro do të ketë të njejtin kapacitet me versionin normal, por do të suportojë karikimin e shpejtë 67W.
Çmimi për Redmi Note 11 do të fillojë nga $186 për versionin bazë, ndërsa për Note 11 Pro nga $248.
