Sony prezantoi dy smartphone të rinj, Xperia 1 III dhe Xperia 5 III. Të dy këto smartphone bëjnë pjesë në fushatën e kompanisë për të definuar Xperia si një anëtar i familjes së kamerave dixhitale Alpha.
Fokusi kryesor janë sistemet e kamerave që përdorin lente telephoto variabël për herë të parë në botë. Sony thotë se po përdor lente ekuivalente me 16mm (f/2.2 ultrawide), 24mm (f/1.7 wide) dhe 70mm (f/2.3 telephoto), por që lentja e fundit mund të arrijë deri në ekuivalenten e 105mm. Kjo lente ekstra arrin ekuivalenten e 105mm falë dizajnit të lentes periscope të palosur.
Përtej hardware-it, Sony ka përmirësuar performancën e kameras në low-light, mundëson autofokusin eye-tracking dhe regjistrime 4K HDR në 120FPS. Gjithashtu gjigandi i teknologjisë ka integruar aplikacionin pro camera në aplikacionin kryesor.
Të dy smartphone-t përdorin proçesorin Snapdragon 888, kanë 3 kamera në pjesën e pasme dhe ofrojnë mbështetje për rrjetin 5G. Dizajni i tyre është i veçantë si gjithmonë, me trup të gjatë dhe të hollë, përdorin ekran 4K OLED me refresh rate 120Hz dhe bateri me kapacitet 4,500mAh.
Në letër, të gjitha këto specifika i bëjnë smartphonet të duken mjaft të mirë. Do të na duhet t’i përdorim fillimisht ato për të shikuar nëse këto specifika kaq të mira përkthehen në një eksperiencë të mahnitshme.
