Aplikacioni Expert RAW nga Samsung është një ndër shërbimet më të mira të prezantuara në smartphone-t flagship të kompanisë, duke i dhënë përdoruesve kontroll të plotë mbi kameran.
Falë update-it të fundit, ky aplikacion do të arrijë të shkrepë fotografi akoma më kualitative në ambiente me ndriçim të ulët. SamMobile tregon se në update-in e fundit Expert RAW është fokusuar kryesisht në përmirësimin e qartësisë së kameras në këto raste të veçanta.
Nga ky shërbim do të përfitojë seria më e re Galaxy, S22 dhe Galaxy S21 Ultra. Aplikacioni është i dizenjuar kryesisht për entuziastët e fotografive, ku ato mund të shkrepin foto në formatin 16 bit DNG RAW, të kontrollojnë ndriçimin, ISO apo white exposure duke bërë fotografitë të duken si të shkrepura nga një kamera DSLR.
Gjigandi korean i teknologjisë ka premtuar se ky aplikacion do të vijë dhe në pajisje të tjera high-end të kompanisë, si Galaxy Z Fold 3, Galaxy Note 20 Ultra dhe Galaxy Z Fold 2 gjatë muajve në vijim.
Për momentin, nëse ju zotëroni një ndër smartphone-t e lartpërmendur, mjafton të hapni Sasmung Galaxy Store për të parë nëse ky update është gati për t’u shkarkuar.
