Dy modele të reja nga OnePlus pritet të prezantohen këtë muaj në Kinë: OnePlus 15 dhe Ace 6. Pas tyre, kompania mund të prezantojë edhe një smartphone të ri të orientuar drejt performancës së lartë. Informacionet vijnë nga tipster i njohur Digital Chat Station në Weibo, i cili ka zbuluar disa detaje rreth këtij pajisjeje misteroze, megjithëse emri i saj nuk është konfirmuar ende. Mendohet se telefoni mund të jetë pjesë e linjës Ace, e cila pozicionohet si seri sub-flagship në tregun kinez.
Një nga karakteristikat kryesore të pajisjes është ekrani me rifreskim 165Hz dhe rezolucion 1.5K, duke synuar përdoruesit që kërkojnë ndjeshmëri të lartë, veçanërisht lojtarët në mobile. Telefoni pritet të pajiset me procesorin Snapdragon 8 Gen 5, një çip high-end që do të prezantohet më vonë këtë vit. Digital Chat Station sugjeron se performanca e tij mund të jetë pak më e lartë se ajo e Snapdragon 8 Elite, i cili do të fuqizojë OnePlus Ace 6.
Nuk duhet të ngatërrojmë Snapdragon 8 Gen 5 me Snapdragon 8 Elite Gen 5, një procesor më i fuqishëm që do të përdoret në modele si Xiaomi 17, OnePlus 15, iQOO 15 dhe Realme GT 8 Pro.
Një tjetër veçori e rëndësishme e telefonit të ardhshëm është bateria, e cila do të ketë kapacitet mbi 8,000mAh — më e madhja ndonjëherë e përdorur në një smartphone OnePlus. Për krahasim, OnePlus 15 do të ketë 7,300mAh dhe Ace 6 7,800mAh.
Telefoni pritet të dalë në treg deri në fund të këtij viti, duke përkuar me prezantimin e Snapdragon 8 Gen 5, çka sugjeron se mund të jetë ndër modelet e para me këtë çip. Ndërkohë, OnePlus 15 dhe Ace 6 do të prezantohen zyrtarisht më 27 tetor në Kinë.
