Sado përpara të ecë teknologjia, mallkimi i telefonatave nga xhepi vazhdon të ekzistojë.
Në mënyrë që të shpëtosh nga telefonatat aksidentale të babit, ja një sërë hapash që mund të marrësh me smartphonin e tij:
Kyçe atë.
Sado që duket absurde shumë njerëz e fusin smartphonin në xhep pa e mbyllur fare. Shtypja e një butoni për kyçje nuk kushton asgjë e për më tepër cakto një kod apo një pattern, jo një rrëshkitje të thjeshtë e cila mund ta hapë edhe aksidentalisht e për pasojë të bëjë kërdinë.
Fik opsionin “Tap to Wake“
Shumë smartphonë ofrojnë të hapen me një të goditur të dyfishtë të ekranit pa shtyur asnjë buton. Opsion i dobishëm për përdorim të shpejtë por nëse miqtë e tu ankohen se telefonatatat aksidentale po i bezdisin tepër është momenti ta fikësh atë. Tek iPhone e gjen tek Settings > Accessibility > Touch > Tap to Wake.
Tek Android shko tek Settings > Display > Lock Screen Display > Double-Tap to Check Phone.
Aktivizo mbylljen automatike sa më shpejtë.
Nëse qëndron për një kohë të caktuar pa vepruar me smartphonin tënd ai do të kyçet automatikisht. E mira është që kjo kohë të jetë sa më e shkurtër në mënyrë që të nëse harron ta kyçësh smartphonin ta bëjë ai për ty.
Fik “Smart Lock“
Shumë Androidë kanë një opsion i cili kur ndodhesh në një ambient të sigurtë si shtëpia jote apo ndërsa aparati është i lidhur me Bluetooth, ai qëndron i çkyçur dhe nuk kërkon as kod. Funksion i dobishëm por nëse rezultati është përsëri telefonata aksidentale më mirë të mos e lejosh.
Masa drastike.
Nëse asnjëra nga të mësipërmet nuk funksionon, atëherë është koha për masa më serioze si heqja e aplikacionit të kontakteve nga Home Screen. Për më tepër ndërprit lejen e asistentit virtual për të bërë telefonata, për të shmangur urdhrat aksidentale.
