Apple po ndryshon mënyrën se si Siri punon në iOS 14.5. Ajo është po e njejta asistente virtuale që do t’ju ndihmojë për gjërat që ju i kërkoni, mirëpo tani nuk do të jetë më vetëm “ajo”. Së shpejti ju do të pyeteni nëse dëshironi që zëri i asistentit të jetë i një femre ose mashkulli.
Apple do të sjellë dhe dy zëra të rinj Siri për anglisht-folësit dhe ju mund t’i provoni ato menjëherë nëse keni instaluar versionin developer beta, i cili deri tani ka arritur në fazën 6 dhe duket se nuk ka ndonjë problem me aplikacionet dhe shërbimet built-in.
Për të ndryshuar zërin e asistentit virtual në iOS 14.5 beta 6, ju duhet të ndiqni këto hapa:
- Si fillim duhet të futeni në Settings
- Kërkoni më pas për Siri & Search
- Në fushën që lexon Siri Voice, shtypeni dhe zgjidhni një opsion të ri
Zërat 2 dhe 4 janë zëra femërore, ndërsa ato 1 dhe 3 janë mashkullorë. Pasi të keni zgjedhur zërin që dëshironi, do t’ju duhet të prisni për disa sekonda sapo të përfundojë shkarkimi dhe gjithçka do të jetë gati.
