Në versionin më të ri beta të iOS janë prezantuar disa shërbime të rëndësishme për përdoruesit e iPhone, duke përfshirë këtu mundësinë e përdorimit të FaceID ndërkohë që mbani një maskë dhe emoji të reja.
Nëse ju nuk mund të prisni, mund të testoni këtë version beta, por mund të përballeni me disa bugs të ndryshme. Gjithsesi para se ta instaloni, ne ju këshillojmë të bëni backup të gjitha të dhënat tuaja në rast se gjërat nuk shkojnë siç duhet.
Pajisjet e suportuara nga iOS 15 janë:
- iPhone 13, iPhone 13 Pro
- iPhone 12, iPhone 12 Mini, iPhone 12 Pro, iPhone 12 Pro Max
- iPhone 11, iPhone 11 Pro, iPhone 11 Pro Max
- iPhone XS, iPhone XS Max
- iPhone X, iPhone XR
- iPhone 8, iPhone 8 Plus
- iPhone 7, iPhone 7 Plus
- iPhone 6S, iPhone 6S Plus
- iPhone SE (gjenerata e parë dhe e dytë)
- iPod Touch (gjenerata e 7-të)
Si të instaloni iOS 15.4 beta 1
- Si fillim kërkoni për portalin e beta software të Apple nga Safari dhe pranoni të regjistroheni me Apple ID tuaj.
- Nën seksionin “Get Started”, zgjidhni “Enroll your iOS device” nëse nuk e keni bërë më parë.
- Sapo të jeni regjistruar, sigurohuni që të keni krijuar një backup të përmbajtjeve tuaja nëse ju duhet ta riktheni smartphone-in në gjendjen e mëparshme.
- Vazhdoni të rëshqisni poshtë deri sa të gjeni butonin që thotë “Download Profile”, dhe klikoni në të. Në tabelën pop-up që del duhet të zgjidhni Allow.
- Hapni aplikacionin Settings. Duhet të jetë shfaqur një seksion i ri i quajtur Profile Downloader. Klikoni në të dhe ju do të keni akses në shkarkimin e software-it beta.
- Zgjidhni install në cepin e djathtë dhe rifusni password-in tuaj. Tashmë do t’ju duhet të klikoni install dhe një herë tjetër.
- Për të aktivizuar profilin duhet të bëni restart pajisjen tuaj.
Këto ishin të gjithë hapat që duhet të ndiqnit për të instaluar versionin iOS 15.4.
