Në 2019, një artikull nga The Washington Post përshkruajti mënyrën se si aplikacionet në iPhone po mblidhnin dhe shpërndanin informacione rreth përdorimit të tij ndërkohë që ekrani ishte i fikur.
Pas këtij artikulli Apple ka bërë ndryshime të mëdha rreth politikave të privatësisë. Gjithsesi është një ide e mirë që të jesh në kontroll të të dhënave tua. Më poshtë do të listojmë disa mënyra se si ju mund të minimizoni grumbullimin dhe shpërndarjen e të dhënave nga aplikacionet që përdorni.
Fikni Personalized and location-based ads
Duke fikur këtë shërbim informacionet që shpërndahen rreth pajsijes suaj, vendndodhjes, kërkimet në App Store dhe çfarë ju lexoni në Apple News do të limitohen. Duhet të veproni në këtë mënyrë:
- Si fillim shkoni në aplikacionin Settings, klikoni në Privacy dhe kërkoni për Apple Advertising
- Më pas fikni Personalized Ads
Për të fikur reklamat e bazuara në vendndodhje duhet të:
- Hapni Settings, klikoni në Privacy dhe më pas në Location Services
- Fikni Location Services
Nëse doni të shikoni se sa i mbrotur është iPhone juaj, mund të provoni Panopticlick Test.
Nëse përdorni Safari në iPhone ka disa gjëra që mund të bësh për të qenë më i sigurt
- Hapni Settings, zgjidhni Safari dhe kaloni në seksionin Privacy & Security
- Ndizni Prevent Cross-Site Tracking
- Ndizni Block All Cookies, duke ndaluar grumbullimin e të dhënave
Këto opsione do të shaktojnë disa probleme pasi ju nuk do të jeni në gjendje të regjistroni sitet që keni hapur njëherë, si përshembull nuk do të mund të gjeni të njetën playlist që keni parë më parë. Bllokimi i Cookies mund t’ju ndalojë futjen në një faqe, pasi shumë website e kanë të detyrueshme pranimin e tyre për të naviguar.
Fikni Background App Refresh
Sipas Apple, arsyeja e funksionimit të Background App Refresh është për të lejuar aplikacionet jo active për të kërkuar për update të reja. Një funksion tjetër i saj është grumbullimi i të dhënave edhe nëse ju nuk e përdorni këtë aplikacion. Ja se si ta fikim këtë shërbim:
- Shkoni në Settings, klikoni në General dhe më pas në Background App Refresh
- Para do t’ju shfaqet një listë aplikacionesh që përdorin këtë shërbim. Në krye të faqes klikoni në Background App Refresh
- Do të silleni në një faqe që ju lejon ta përdorni për Wi-Fi dhe cellular data, vetëm për Wi-Fi ose mund t’I fikni për të dyja. Klikoni OFF
- Nëse ktheheni në faqen e parë do të vini re se të gjitha aplikacionet do ta kenë të fikur këtë shërbim.
Mirëpo disa aplikacione nuk do të veprojnë më automatikisht, si përshembull Google Photos, i cili nuk do të ruajë fotot nga Camera Roll nëse ky shërbim është i fikur, kështu që gjëja më e mirë do të ishte të fikni këtë shërbim vetëm për aplikacionet që nuk ju nevojiten.
