Dëshira e madhe për të sjellë një smartphone me ekran të pa ndërprerë ka rezultuar ne filimet e konkurencës për kamerën më të mirë nën ekran. E si gjithmonë janë kompanitë kineze ato që janë të gatshme t’a marrin guximin të eksperimentojnë. ZTE Axon 20 5G është smartphone i parë komercial me një kamera të fshehur nën ekran.
Poshtë ekranit 6.92″ OLED me shkallë rifreskimi 90Hz ndodhet një kamera 32MP. Në cepin ku ndodhet kamera, ZTE ka përdorur një kombinim materiali organik dhe inorganik për t’i lejuar dritës të kalojë përmes dhe të shkojë tek lentja. Kjo pjesëz e ekranit ka rezolucion më të ulët, me piksela më të vegjël se pjesa tjetër e ekranit të cilat fiken për të lejuar dritën të kalojë. Meqë dendësia e pikselave këtu është më e vogël edhe cilësia e tij është më e ulët dhe me këndin e duhur mund t”a shohësh këtë diferencë.
Dhe pyetja që presim përgjigje të gjithë, a është cilësia e mirë?
Jo, sigurisht që jo.
Fotografitë selfie, janë goxha problematike, pavarsisht numrit të lartë të MP, imazhet duket sikur janë gjithmonë me një filter bukurie dhe konture të mjegulluara, pa shumë detaje. Ndaj nëse dëshiron foto apo video selfie me cilësi kërko diku tjetër.
Nga ana tjetër ky rezultat është më se i pritshëm, tek e fundit është tentativa e parë drejt një teknologjie fare të re. Gjeneratat e ardhshme pritet që t’a përmirësojnë cilësinë, por edhe benefite të tjera siç është pozicionimi i kamerës në qendër të ekranit, në mënyrë që gjatë videotelefonatave shikimi të jetë drejt personave.
Në përfundim, ZTE Axon 20 5G cilësia e kamerës 5/10, tentativa për të sjellë inovacion 10/10.
