Shpesh herë çuditesh me saktësinë e parashikimit të Google kur je duke kërkuar diçka. Plotësimi Automatik i Google është ndër shërbimet më të fuqishme, por si funksionon ai? Vetë Google përgjigjet.
“Për të parashikuar fjalinë, sistemet tona shohin citime të zakonshme dhe trendet që kombinojnë me atë çka dikush ka filluar të shkruajë në kutinë e kërkimit.” Sqaron kompania në një blogpost.
“Ne nuk shfaqim vetëm parashikimet më të ndeshura. Ne konsiderojmë gjëra si gjuha e kërkuesit, apo nga është duke e kërkuar, kjo i bën parashimet më të lidhura.”
Kompania thotë se ata marrin në konsideratë edhe freskinë kur paraqesin parashikimet.
“Nëse sistemet tona zbulojnë një temë me interes në rritje, mund të shfaqin një parashim trending që mund të mos jetë fare e zakonshme.”
Parashimi varet edhe nga tema specifike e kërkimit, njerzit, vendet dhe objektet kanë atribute të ndryshme interesi nga njëri person tek tjetri.
Nëse dikush po kërkon “udhëtim në New York” parashikimi mund të shfaqë “udhëtim në New York për Krishtlindje” pasi ajo është periudhë e famshme për t’u vizituar.
Google thotë gjithashtu se parashikimet nuk janë perfekte dhe se ata kanë sisteme të projektuara për të ndaluar parashikime jo ndihmëse apo më keq që shkelin politikat e tyre. Me skuadra të dedikuara për të eleminuar rreziqe potenciale.
