Samsung mund të jetë duke afruar datën e prezantimit të smartphone-ve flagship të tij të ardhshëm, Galaxy S24, në janar të vitit 2024.
Gjatë disa viteve të fundit, eventet e lançimit të Samsung për smartphone-t Galaxy S janë mbajtur në data të ndryshme. Para pandemisë Covid-19, këto evente kryheshin kryesisht në mars, por janë afruar më herët me kalimin vit pas viti. Pas serisë Galaxy S23 të vitit të kaluar, e cila u prezantua në mes të shkurtit 2023, seria Galaxy S24 me sa duket do të prezantohet akoma dhe më herët.
ICE Universe raporton në Weibo se Samsung po synon për 18 janar si datën e lançimit (ose të paktën kohën e përafërt për eventin Unpacked) për serinë Galaxy S24. Kjo datë është një muaj më herët se vitin e kaluar, dhe disa javë më para se hera e fundit që Samsung mbajti një event në janar për prezantimin e smartphone-ve flagship Galaxy S21.
Pse do të mbahet kaq herët ky event?
Në të vërtetë, nuk është e qartë, por ia vlen të kujtojmë se Samsung përshpejtoi prezantimin e Galaxy Z Fold 5 dhe Galaxy Z Flip 5 me disa javë për të arritur në korrik, kur pajisjet e palosshme të kompanisë kanë debutuar tradicionalisht në gusht.
Gjithashtu, kjo datë e hershme ende nuk e vendos eventin e Samsung në të njejtën kohë me eventin e përvitshëm të Consumer Electronics Show (CES) në Las Vegas, e cila në vitin 2024 do të zgjasë nga 9 janari deri më 12 janar, por kjo nuk vjen me të vërtetë si befasi, pasi CES fokusohet shumë tek smartphone-t e rinj.
