Sulmet zero-click mund të instalojnë një malware në pajisjen tuaj pa patur nevojë të klikohet nga ana juaj. Kjo teknikë ka nisur të përdoret shumë nga hakerat gjatë kohëve të fundit, mirëpo Samsung duket se ka bërë të mundur që të mbrojë përdoruesit e serisë Galaxy S23 nga kjo teknikë.
Message Guard është shërbimi më i ri i Samsung i integruar në aplikacionin Samsung Messages dhe Google Messages në serinë Galaxy S23. Ky shërbim është aktiv në sfond dhe izolon të gjitha formatet e dokumenteve PNG, JPG, JPEG, GIF, ICO, WEBP, BMP dhe WBMP që ju merrni në mesazhet tuaja. Më pas Message Guard analizon imazhet bit për bit dhe i proçeson ato për të siguruar se ato nuk mund të infektojnë pajisjen tuaj me një malware.
Kompania planifikon që këtë shërbim ta sjellë dhe në pajisjet e tjera Galaxy që do të rifreskohen në One UI 5.1. Samsung tregon se në të ardhmen do të ofrojë një update ku mbrojtja e Message Guard do të funksionojë dhe në aplikacionet e palës së tretë.
Sulmet zero-click mund të mos zbulohen kurrë nga përdoruesit dhe pasi malëare është instaluar në pajisjen e tyre. Sipas raportimeve, një sulm zero click është instaluar para pak kohësh nga NSO Group si Pegasus në iPhone-t e përdorur nga aktivistët, gazetarët dhe zyrtarët e qeverisë duke vjedhur të dhënat e tyre.
