Një nga asetet më të forta të produkteve të reja nga Apple, përfshi këtu iPhone 12 është edhe arkitektura 5nm e përdorur tek proçesorët e vetë.
Arkitekturë e cila po bëhet tashmë një normalitet teksa edhe Samsung prezanton proçesorët e vetë 5nm.
Në profilin e vetë zyrtar në Weibo kompania ka lajmëruar premierën e Exynos 1080 në datë 12 nëntor në Kinë.
Ai do të jetë pasardhësi i Exynos 980, dhe do të sjellë përmirësime potenciale në konsumin e energjisë, efikasitetin dhe performancë. Konsumi i baterisë do të ishte një ndryshim më se i nevojshëm duke marrë parasysh se kohët e fundit Samsungët me Exynos kanë vuajtur në këtë drejtim.
Disa po aludojnë se ky do të jetë edhe proçesori që do përdoret tek Galaxy S21, por të pakta janë gjasat pasi sipas raportimeve ai është i drejtuar më shumë tek mid-range.
Dhe fakti që smartphonat e buxhetit të mesëm po marrin trajtimin 5nm mundet të sjellë vetëm lumturi.
