Kush tha që Ceremonia e Hapjes së Olimpiadës duhet të ndodhë në një stadium? Në një natë plot risi, Lojërat Olimpike Paris 2024 filluan zyrtarisht me një ceremoni historike në lumin Senë dhe Samsung një Partner Olimpik dhe Paralimpik Botëror, ofroi inovacionin revolucionar që e bëri këtë ceremoni kaq të veçantë.
Për të sjellë fansat më pranë aksionit se kurrë më parë, Samsung instaloi më shumë se 200 smartphone Galaxy S24 Ultra në 85 anije që morën pjesë në Ceremoninë e Hapjes. Ngjarja u transmetua drejtpërdrejt përmes një rrjeti privat 5G të fuqizuar nga Orange, ofruesi zyrtar i rrjetit celular për Paris 2024 në Francë.
Fansat patën mundësinë të përjetonin një pamje më të afërt të një feste të veçantë të shpirtit olimpik në qytetin mikpritës të Parisit për vitin 2024. Gjithashtu,ata që ndoqën Ceremoninë e Hapjes mund të përjetonin ngjarjen nga këndvështrimi i sportistëve teksa ata ndanin pamje nga kjo ceremoni e paharrueshme duke përdorur smartphone-t e tyre Galaxy Z Flip6 Olympic Edition.
Samsung bashkëpunoi me Komitetin Olimpik Ndërkombëtar (KON) dhe Shërbimet e Transmetimit Olimpik (OBS) për të krijuar një natë kuptimplotë për sportistët dhe tifozët, duke kërkuar planifikim të gjerë me partnerë të ndryshëm olimpikë për transmetimet në kohë reale, lidhjen e pandërprerë 5G dhe mbështetjen e teknologjive të tjera.
Transmetimi drejtpërdrejt i ceremonisë së hapjes është vetëm një nga disa mënyrat se si Samsung po ndan emocionin nga Paris 2024 me botën. Garat e lundrimit në Marsejë dhe Selfie-t e Fitores gjithashtu do t’i sjellin tifozët më pranë Lojërave Olimpike. Për një pamje krejtësisht të re të garës së lundrimit në Marsejë, Samsung po instalon smartphone Galaxy S24 Ultra në varkat dhe në shpatullat e sportistëve. Për më tepër, fituesit e medaljeve mund të kapin emocionet e tyre me Selfie-t e Fitores duke përdorur Galaxy Z Flip6 Olympic Edition të dhëna në podium.
Më shumë se 100 ekspertë, 250 telefona dhe 360 ditë testime bënë të mundur realizimin e këtyre momenteve. Përpjekjet për të përmirësuar përvojën e shikuesve nga e gjithë bota ishin pjesë e vizionit të Paris 2024 për ‘Games Wide Open.’ Përmes inovacioneve të tij mobile, Samsung do të frymëzojë sportistët dhe tifozët e Paris 2024 për të qëndruar në një mendje të hapur, sepse “Open always wins”.
