I përfolur prej kohësh tashmë, Samsung Galaxy S20 Fan Edition anonçohet zyrtarisht dhe Shqipëria është në listën e fatlumëve.
Siç edhe emri e nënkupton, ai vjen në mënyrë speciale për dashurinë e fansave më të zjarrtë. Thënë pa romantizëm, FE është një përmbledhje e opsioneve më të mira të Galaxy S20, e me anë të disa kompromiseve, vjen me një çmim më të përballueshëm për këdo.
Ekrani i sheshtë FHD+ Super AMOLED prej 6.5-inch vjen me shkallë rifreskimi 120Hz.
RAM 6 GB dhe hapësirë 128 GB të zgjerueshme deri në 1TB. Bateria 4,500 mAh karikimi Fast Charge 2.0 dhe mbrojtja nga pluhuri e uji IP68 duhet të ofrojnë goxha performancë.
Një kompromis i ndjeshëm vjen tek seti kamerave: 12MP Ultra-wide, 12MP wide, 8MP Telephoto dhe sensori Space Zoom me zmadhim digjital deri në 30x.
Sigurisht nuk ofron luksin e S20 origjinal, por hardware duket mjaft mirë, për më tepër AI dhe programi i dedikuar duhet të sjellin rezultate konkurence.
Kamera frontale përkundrazi është një përmirësim prej 32MP. E për të ofruar më shumë stil mes fansave S20 FE vjen në Cloud Red, Cloud Orange, Cloud Lavender, Cloud Mint, Cloud Navy dhe Cloud White.
Smartphoni do të jetë i disponueshëm nga 2 tetori në Samsung.com dhe tek shitësit e vegjël. Porositë mund të regjitrohen që tani.
Çmimi në Shqipëri është 79,999 ALL.
